د زمري ۱۱ مه ۱۴۰۰
د ولسي جرګې رییس الحاج میر
رحمن رحماني په کابل کې د دوست هېواد سعودي عربستان د سفیر سره په خپل کاري دفتر کې د مخه ښې لیدنه وکړه.
په دې لیدنه
کې دواړو لوریو د افغانستان سولې بهیر، اوسني وضعیت او د دواړو هېوادونو ترمنځ د
اړیکو ټینګولو پر پراختیا او دې هېواد سره په بیلابیلو برخو کې د مرستو په اړه
خبرې اترې وکړې.
د ولسي جرګې رییس د سعودي عربستان شاهي دولت له لورې د افغانستان
له خلکو سره په تېرو دوو لسیزو کې له مرستو مننه وکړه.
نوموړي د دوست هېواد سعودي عربستان ښاغلي سفیر ماموریت د
افغانستان او عربستان ترمنځ د دیپلوماتیکو اړیکو کې خورا مهم یاد کړ او دافغانستان
د ولسي جرګې په استازوالۍ يې خپل نیک مراتب د یاد هیواد سفیر ته وړاندې کړل.